اسئله جديده ضد الايمان المسيحي وهل يصمد الايمان المسيحي مجددا مع اسئله النهارده كل ده في حلقه النهارده معانا السؤال الاول من ابانوب موريس بيقول لي سلام المسيح انا بحبك جدا ومقتنع بيك جدا وبشرحك المبسط العصري ليلتف حولك كل الاجيال والاعمار وخصوصا الشباب. عندي سؤال محتاج تفسير لماذا كل الاديان الثلاثه نزلت في الشرق الاوسط وكمان اغلب الرسل هل الله فقد في الشرق الاوسط وشكرا وارجو الرد ايوه كده ايوه
كده ادونا في الاسئله الثقيله بقى الحلوه دي وعزيزي المشاهد لو انت عايز تحط اجابتك في الكومنتات لكل سؤال ما عنديش اي مشكله كلنا حبيبي بنكمل بعض اما اجابتي على ابانوب في السؤال ده حبيبي عندك اول مكان كلم ربنا فيه ادم وحواء كان فين كان في الشرق الاوسط جنه عدن عندك اول هيكل حقيقي بالفعل اتعمل كان برده في جنه عدن لما ربنا ذبح ذبحه وغطى ادم وحو العريانين بجلود الحيوانات الشعب الوحيد اللي سمع لكلام ربنا وربنا عمل معاه عهد واسمه العهد القديم كان في الشرق الاوسط يبقى حبيبي الغالي ابانوب ربنا موجود في كل حته
ربنا ما بيختصش بمكان واحد ولكن التسلسل الزمني اللي بيقوله لنا وبيعرفه لنا الكتاب المقدس كان مختص بالشرق الاوسط وده بسبب كل الاسباب اللي انا قلتها لك النهارده السؤال اللي بعد كده من سيفو كيفو بيقول لي او بتقول ق لي ممكن اسال حضرتك سؤال طبعا هو ماذا لو المسيح ما اتولدش طيب تمام وتجلى على الارض بجسد انسان كبير مش ممكن ساعتها الناس تصدق ان ده ربنا لانه ماتولدش ولا ليه اب ولا ام ليه يتولد وليه يبقى في فتره طفوله حضرتك فاهم قصدي طيب بص او بصي يا سيفو كيفو المسيح كان قادر يظهر بجسد انسان كبير على
طول ما فيش اي مشكله وبالفعل زي ما انت قلت او زي ما انت قلتي ده كان هيقوي حجه انه ربنا على طول لانه كده ظهر لك بجسد من عدم وجسد انسان كبير لكن للامانه ده كان هيتعارض مع خطه الفداء هتقول لي الله هيتعارض ازاي مع خطه الفداء مش احنا بنقول ان المسيح كان انسان كامل ويشبهنا في كل شيء ما عدا الخطيه هتقول لي ايوه وحتى لو جه بجسد الانسان الكبير برده هيكون شبهنا في كل شيء ما عدا الخطيه تسمح لي صديقي اقول لك ان الفكر ده غلط طب ليه يا عم توني غلط لانك لما بتقول ان المسيح شابهك في كل شيء ما عدا الخطيه وتقول لي انه ظهر
بجسد كبير على طول طيب هو ما دام شابهك في كل شيء ما عدا الخطيه فين مرحله النمو الطفوله اللي هيبقى فيها الاول وبعد كده يكبر؟ ازاي انت او ازاي انت تقولي لي شابهنا في كل شيء ما عدا الخطيه وهو جيب جسد كبير كده على طول طب فين مرحله النمو اللي كان فيها طفل زينا في الاول وبعد كده كبر لا ما فيش وده يتعارض مع مبدا الفداء لان خد بالك بانه هو انسان في كامل ناسوته وفي كامل طبيعته الانسانيه طبيعته الانسانيه تحتم عليه انه يكبر زي الطفل في الاول وبعد كده يكبر زي الراجل الكبير ليه؟ لان في الحاله دي هيبقى ناسوته ما
انتقصش ولا حاجه هي مرحله ناسوتيه بتكمل بالفعل ويبقى بالفعل نقدر نصدق ان المسيح اتالم بناثوته على الصليب وده اللي بياكد لك برده ان المسيح لما اتجلد بالصياط كان بالفعل بيتالم وبيتعذب مش بيضحك عليك ولا عامل مسرحيه وبيقول لك بص انا بتالم وهو ما بيتالمش يبقى ضروري علشان خاطر يبقى الناس كامل في كل شيء ونقدر نتاكد انه حس بالالم زينا لازم يبقى سوت طبيعي مر بكامل مراحل النمو زيك انت بالظبط وده للامانه يا سيفو ما يقللش ابدا من ان السؤال ده بيرفكتو. طب السؤال بعد كده من ميرنا موسى بتقول لي انا لسه شايفه ليك كذا فيديو وحبيت انك
بتتكلم وبتناقش الاسئله وطريقتك عموما. انا حاب اسال على حاجه ومش لاقيه ليها اجابه هو دلوقتي المسيح لما اتكلم عن التناول هو كان بيكلم التلاميذ في العشاء الاخير وبيقول لهم هذا هو جسدي وهذا هو دمي بس هو ما قالش لينا ده وحتى لما بيقول من ياكل جسدي ومن يشرب دمي يثبت فيا وانا فيه بس هو ما قالش ايه شكل الخبز ولا الشراب ولا حتى ايه الصلاه المفروض تتعمل علشان يتحولوا لجسد ودم المسيح فبناء على ايه الصلاه اللي بتتعمل في الكنيسه وهل لو شكل الخبز اللي هو القربان اتغير ده يمنع التناول والصلاه برده لازم تبقى معينه
للامانه يا ميرنا سؤال عظيم جدا طب خلينا كده واحده واحده علشان خاطر نفهم ايه اللي لينا وايه اللي علينا المسيح في الاول استخدم عصير الكرمه الممزوج بالماء اللي هو النبيت وبرده استخدم الخبز يبقى احنا لازم نستخدم الخبز وعصير الكرما لحد هنا تمام لحد هنا تمام ايه اللي بعد كده المسيح قال لهم هذا هو جسدي وهذا هو دمي بس ما قالناش احنا طب يا مرنا دلوقتي ما هو لما القديس بطرس تسلم ده من المسيح اللي هو السر اللي في خارستيا هو مارسه مع مين؟ مارسه مع الكنيسه يبقى المسيح هنا ما قالش هذا هو جسدي وهذا هو دمي للتلاميذ بس
ده سر مقدس امر به الرسل والتلاميذ عشان خاطر يتمارس في كنيسته نيجي لثالث حته هو ما قالش ايه شكل الخبز ولا ايه شكل الشراب ولا حتى قال الصلاه اللي فيها بيتم تحول الخبز والكرمه الى جسد المسيح ودمه طيب من ناحيه الشكل يا ميرنا احنا استخدمنا الخبز زي ما استخدمه المسيح بالشكل الدائري وعملنا القربانه وفي نفس الوقت احنا برده ما طلعناش من شكل الشراب اللي استخدمه المسيح واستخدمنا عصير الكرمه اما الصلاه اللي استخدمها المسيح المسيح في تحول هذا السر واللي تبان اصلا ان احنا مش عارفينها وانها سريه واحنا اخترعنا صلاهاني عشان
خاطر التحول لا احنا في الابكليسياس او الاستدعاء احنا بنستدعي الروح القدس علشان خاطر يحول لنا الخبز والكرمه الى جسد المسيح ودمه يعني ده مش سحر احنا بنعمله ولا بنؤمن بصلوات سريه احنا بنعملها عشان خاطر نغير الماده او طبيعه الماده والكلام ده كله خالص احنا طلبتنا بتكون في الابكليسياس او الاستدعاء اللي بيتم فيه استدعاء الروح القدس علشان خاطر يحول القرابين وعصير الكرمه يعني من الاخر يا ميرنا ده مش كلام حرف احنا بنقوله كل مره وخلاص ولا لازم صيغه معينه ما ينقصش منها حرف ولا يزيد منها حرف لا لا خالص لان ده
عمل الروح القدس احنا مش بنتدخل في نهائي كمان يا ميرنا لو انت شايفه ان سر الفخارستيا ده لازم بالحرف لازم بالنقطه ما ينفعش ينقص منه حاجه احنا الكتاب المقدس مش حرفي ولا احنا ناس حرفيين بتلتزم بالحرفيه لان ده اللي عملوه الفرسيين تحديدا كانوا ماسكين كل شيء بالحرف وربطوا الناموس بالحرفيه وماعاشوش روح الناموس فاحنا سر الافخارست نفسه مش بالحرف مش بفكره ان لازم المن والفي والعلى يبقوا موجودين ونمشي بالضبط زي كده بالكلام بالحرف لان في بولس الثانيه لكرونثس 36 بيقول لك ايه عظيمه جدا الذي جعلنا كفات لان نكون خدام عهد جديد لا
الحرف بل الروح لان الحرف يقتل ولكن الروح يحيي طب السؤال بعد كده من فادي صبحي بيقول لي ازيك يا دكتور كنت عايز اسال حضرتك وقال انا مش فاهمه الحقيقه الشيطان ازاي كلم الحيه وازاي دخل فيها وكلم حواء يعني في تفاصيل كتير نفسي تفهماني للامانه حبيب قلبي فادي سؤال عظيم جدا جدا ازاي الشيطان دخل في الحيه وازاي كلم حوا من خلال الحيه اولا حبيبي فادي الشيطان اختار الحيه لان الحيه كانت احيا للمخلوقات الحيه ذكيه جدا الحيه عارفه بتعمل ايه كويس فالشيطان طب يختار اي مخلوق كده ويدخل فيه ويكلم بيه حوا لا طبعا لازم
يختار اذكى المخلوقات طب ومين اللي كان اذكى المخلوقات ايوه الحيه الحيه كانت احيل المخلوقات وده اللي اكده المسيح في متى 10 16 وقال كونوا حكماء كالحياه فالحيه حبيبي فادي كانت احيا للمخلوقات وعلشان خاطر كده ابليس استخدمها صح لان خد بالك ان ادم كان من ارقى الكائنات من حيث الاي كيو والتفكير والذكاء وهنا صديقي خد بالك ما كانش ابليس ينفع يستخدم اي كائن وخلاص لان ذكاء ادم كان على اعلى المخلوقات وبعد كده يا فادي علشان خاطر ابليس كائن غير جسداني ومالوش جسد استخدم الحيه زي مثلا في الوقت الحالي لما تلاقي حد عليه شيطان وبيتكلم ابليس من خلاله
عادي جدا طيب السؤال اللي بعد كده من امير ابراهيم بيقول لي لماذا خلق الله شجره الخير والشر طالما يعلم مسبقا ان ادم سياكل منها ويخطئ مما يؤدي الى الموت الم يكن من الافضل عدم خلقها صدقني يا امير يا حبيب قلبي سؤال عظيم جدا وجميل جدا بس صديقي لو ربنا ما خلقش شجره الخير والشر تفتكر ازاي ازاي هنعرف ونتلمس من خلال الكتاب المقدس ان ادم كان حر وله اراده؟ ما هو انا هتاكد امتى ان ادم كان حر؟ لما تغويه الحيه وبعد كده يختار الخير فانا عرفت ان هو اختار الخير بارادته. طيب دلوقتي ما فيش شجره الخير والشر يعني ما
فيش حيه يعني ما فيش ابليس صديقي كيف كان سيتم الاختبار الاختبار ده تحديدا ما بين اختيار الخير والشر كان هيتم ازاي فحبيبي امير الغالي للامانه لو اتشالت شجره معرفه الخير والشر خلاص ما بقاش في اختيار ما بقاش في حريه اراده بقيت مسير مش مخير وده تحديدا ضد روح ربنا لانه حيث يكون روح الله هناك الحريه طب السؤال بعد كده من ابانوب جرجز بيقول لي سلام المسيح يا دكتور طوني سلام المسيح حبيبي عايز اسال حضرتك سؤال واتمنى تجاوبني ليه يا حبيبي تتمنى انا معاك وهجاوبك من غير ما تتمنى اصلا السيد المسيح اخذ طبيعه ادم او جسد ادم قبل
السقوط ولا بعد السقوط؟ يعني ابا نوب جرجس حبيبنا من الاخر كده بيقول لي يا عم توني المسيح اخذ طبيعه ادم قبل السقوط ولا بعد السقوط؟ للامانه صديقي المسيح اخذ طبيعه ادم بعد السقوط ولكن اخدها وهي فاسده مش هو اللي دخل لها فساد بخطيه لان المسيح كان بلا خطيه طيب انت ممكن تفهم الموضوع ده ازاي؟ تفهم الموضوع ان واحد بوظ حاجه في ايده وراح قال للمسيح اتفضل دي الحاجه اللي انا بوظتها خد صلحها لي معلش فالمسيح اخدها جواه وهي بايظه وصلحها له لكن مش معنى كده ان هو اللي ادخل الفساد ليها او هو اللي بوظها بنفسه بالخطيه لان المسيح
كان بلا خطيه فهو بس اللي عمله المسيح انه اخد الحاجه فاسده بعد ما احنا افسدناها وام صلحها لنا وشال منها الموت وللامانه حبيبي ابانوب سؤال عظيم جدا جدا جدا السؤال بعد كده من كايوشي بيقول لي مع اني مسلم بس ليه دايما الاديان بيستخدموا الشيطان او ابليس على انه الشرير اللي عصى ربنا ليه كل الاديان الابراهيميه مشتركه في ده وليه مش بنشوف وجهه النظر الاخرى طيب بص يا صديقي كان في كائن بيقولوا ان هو اعظم الملايكه وكان رئيس الملايكه قبل ميخائيل الكائن ده عايز تسميه بعلى ذا بول سميه عايز تسميه زهره بنت الصبح سميه ودي
يا صديقي اساميه حسب الكتاب المقدس ولكن طب ايه اللي جاب الشيطان لاسم بعلى زبول او ايه اللي جاب الشيطان لزهره بنت الصبح؟ بص يا صديقي عندنا احنا ربنا في الكتاب المقدس ما بنخجلش اننا نقول ان ربنا تعامل مع التراث الانساني علشان خاطر يفهم الانسان اللي عايز يوصله له يعني مثلا لو رحت عند الحضاره الفرعونيه او الحضاره المصريه هتلاقي الاله ست عندك في اليهوديه برده هو نفس الاله ست ده بس اسمه سطن عندنا في اللغه العربيه بقى اسمه شيطان طيب الحضارات كلها صديقي اتفقت ان في كائن شرير اسمه سطن او شيطان او الاله
ست بمختلف الالفاظ وده للدلاله والكينونه على ان في رئيس لقوى الشر تمام جدا طيب المفروض ربنا يبعد عن التراث الانساني ده ولا يستخدمه علشان خاطر يفهم الانسان اكت الصوره دي انت دلوقتي مامتك لما كنت صغير وبتقول لك انا هجيب لك الراجل ابو رجل مسلوخه احنا عارفين دي اسطوره ما فيش راجل برجل مسلوخه هيجي لك من تحت السرير طيب وفي الحاله دي هل مامتك هي ست اسطوريه بتحب الاساطير وما بتحبش الواقع وبتميل للاسطوره والكلام ده كله برده لا ولكن هي استخدمت الحاجه اللي تقدر تخليك تفهم هي عايزه منك ايه تخاف وتروح تنام عشان خاطر
المدرسه فبالتالي ربنا في المسيحيه ومن خلال الكتاب المقدس لا نخجل ان نقول ان الله تعامل مع التراث او التقليد الانساني علشان خاطر يوصل لنا اللي عايز يفهمه لنا وللامانه كايوشي [تصفيق] جي طب السؤال بعد كده من سوزي مجدي بتقول لي خلاصه السؤال لان السؤال كبير هل كان الله الكلمه قبل التجسد هو بالشكل الشكل الذي خلق على صورته ادم اشكرك يعني يا صديقي بطريقه اوضح سوزي بتقول لنا هل المسيح كان على صورتنا ولا احنا اللي كنا على صورته طيب القديس اثناسيوس بيحسمها وبيقول لك ان الكلمه تجسد ليؤلهنا طيب يبقى معروف منذ
الازل ان الكلمه لما هيتجسد هيكون بالشكل البشري ده طيب يبقى معروف ان احنا مش هنقدر ندخل الملكوت غير لما نشابه صوره ابنه ليه بقى لان المفتاح الاساسي في دخولك لملكوت السماوات انك تشابه صوره ابنه فاختي الغاليه سوزي لو ما كنتيش انت على صوره المسيح مش هتدخلي ملكوت السماوات فاحنا هنا ما نقدرش ان نقول ان المسيح هو صوره ادم بل نقول ان ادم هو صوره المسيح ولكن للاسف ادم بوظ الطبيعه ومين اللي جه يصلح الطبيعه ايوه المسيح فلو قلنا صديقي ان المسيح اتجسد في صوره ادم لانه ما كانش عارف ان ادم هيسقط في الخطيه دي مشكله
ويبقى ربنا عمل حاجه جديده مستحدثه واللي هو اخد صوره ادم وده ما كانش في الحسبان منذ الازل ولكن حاشى الكلام ده خالص فادم كان على صوره المسيح وافسد الطبيعه وفي ملء الزمان وحسب تدبير الاب تجسد الابن علشان خاطر ياخد الصوره اللي هي معروفه منذ الازل دي ويحرر الطبيعه من الموت ويقيمها من الموت ده مش بس كده وزي ما قال لك المتنيح الانب من اسقف ملاوي ان المسيح اتجسد عشان خاطر يشاركنا في طبيعته بالنعمه يبقى ما كانش في جديد على المسيح انه ياخد صوره ادم لا ده كان معروف منذ الازل. طيب السؤال بعد كده من توني عماد بيقول لي
هو اللي يعمل خطيه واحده زي اللي يفضل طول العمر ويعمل خطيه وفي الاخر الاثنين يروح النار هل ده عدل يعني حبيبنا توني بيقول لك في واحد بيعمل خطيه وفي واحد يفضل طول العمر بيعمل خطايا الاثنين في الاخر بيدخلوا جهنم هل ده العدل برده صديقي بنفس المنطق لو الاثنين قدموا توبه ليه ربنا ياخد الاثنين بنفس التوبه بتاعتهم مع ان ده قدم توبه وده توبه بس خد بالك ده عمل خطايا اكت من ده مش ده ظلم برده طيب بصوا يا صديقي في حته كده انت غايبه عنك لو قلتها لك هتفهم منها كل حاجه عايزين نروح لداوود النبي شفت داوود النبي عمل ايه مع
امراه اوريا الحسي وعمل ايه مع اوريا نفسه ايوه بالظبط حطه في اول الحرب وراح اخد مراته وانجب منها واوريا الحس للاسف مات فشوف بقى خطايا داوود العظيمه دي يعني داوود عمل خطايا عظيمه بالفعل على الجانب الاخر صديقي تخيل نفسك انت انت ما عملتش 1% من الخطايا اللي عملها داوود انت قدمت توبه وداوود برده قدم توبه وانتم الاثنين اتقابلتوا قدام ربنا لحد هنا تمام لحد هنا تمام الحته اللي انت نسيتها المهمه اللي هي العدل يا صديقي دلوقتي داوود قدم توبه على اللي هو عمله حلو جدا طيب هل التوبه اللي قدمها داوود لغت فكره العقاب او
العدل عند ربنا لا انا عايز اقول لك يا صديقي زي ما عمل في امراه اوري حسي داوود جالله الزنا من قلب بيته في بناته يعني شوف ربنا قبله وقبل توبته لكن التوبه تيجي على حساب العدل عند ربنا لا يا صديقي انا عايز اقول لك ان داوود زي ما عمل اتعمل فيه بالظبط وده العدل ده العدل بره عن اي توبه هتحصل لان التوبه صديقي لرحمه الروح لكن هل ده معناه ان العدل ما يتطبقش لا العدل هيطبق حتى لو اترحمت وتوبت وده المبدا عند ربنا تقدم له توبه انت مقبول ما فيش اي مشكله لكن ده هينفيك من العدل او يجنبك عن العدل لا طب السؤال بعد كده من حبيبي خالد عمر
بيقول لي سؤال لحضرتك ليه اليهود مش مؤمنين بالثالوث وبيعتبروه ديانه وثنيه ولماذا لم يخبرهم موسى بان الله ثلاثه اقانيم للامانه حبيبي خالد سؤال عظيم جدا جدا واحييك على السؤال ده والمشاركه معانا بص يا حبيبي خالد اثناء ما موسى ماشي بشعبه في بريه سينا الشعب ده صديقي كان لسه طالع من عبوديه فرعون وكانوا لسه شايفين عمل ربنا معاهم حلو جدا حلو جدا المفروض دلوقتي كانوا مؤمنين بربنا عادي جدا انا عايزك بقى عد عدد التزمرات اللي تزمر فيه شعب اسرائيل على ربنا اول حاجه تزمر المن والس سلو ثاني تزمر عندك لما موسى طلع يستلم لوحي الشريعه والشعب عمل
ايه تحت بقى جمعوا سبائك الذهب والحلي وعملوا بيه العجل الذهبي اللي هو ايه اللي هو الاله ابيس عند الفراعنه القدماء ده غير ان ربنا قال لهم في اليوم الثالث اني هتجلى على الجبل وتشوفوني حلو جدا كده حلو جدا كده تخيل كل الحاجات اللي بيقدمها ربنا كل يوم للشعب وانه يتلامس مع شعبه وفي نفس الوقت الشعب ده بدل ما يؤمن بربنا ويصدق فيه لا يا باشا راحوا عملوا ابيس عملوا ل ابيث من الذهب وراحوا عبدوه مع ان لسه ربنا كان معاهم والسؤال هنا حبيبي الغالي هل الفتره دي كنت انت شايفها فتره للامانه فعلا تصلح ان ربنا يعرف شعبه انه
ثلاث اقانيم او لاهوته في ثلاث اقانيم اذا كانوا هم كانوا بيشوفوه وبيتعامل معاهم وبينزل لهم المن والسل وبيتجللهم على الجبل وراحوا يا معلم عبدوا ابيس وعملوا ابيس وعبدوه طب هل الفتره دي للامانه كانت فتره تصلح ان ربنا يعرف ذاته لشعبه يعرف ذاته تعريف كامل بمهيته لشعبه لما هم كانوا معاه اصلا وسايبينه ما بالك بقى لما يقول لهم ان انا ثلاث اقانيم او ان انا ماهيه لاهوتي ثلاث اقانيم هيعملوا ايه؟ اجابه غير متوقعه بالمره صديقي وده اللي بنتكلم فيه وبنقول عليه ان الفتره دي ما كانتش تصلح خالص لاعلان ان الله في ثلاث
اقانيم ولكن يا صديقي على مدار بقى الكتاب المقدس وتحديدا خد بالك العهد القديم ربنا اتكلم باقانيمه وعرف شعبه على اقانيمه يعني حتى الايه الشهيره اللي انت عارفها في المزامير اللي هو قال الرب لربي اجلس عن يميني حتى اضع اعدائك موطئ الى قدمي دي يا صديقي ما كانتش عهد جديد دي كانت عهد قديم وخد بالك حسب العهد القديم وايمان اليهود كانوا اسمع يا اسرائيل الرب الهك رب واحد طب ازاي برده في نفس العهد القديم يقول له اسمع يا اسرائيل الرب الهك رب واحد ويجي برده في نفس العهد القديم يقول لك قال الرب لربي اجلس عن يميني حتى اضع
اعدائك موطئ لقدميك يبقى هنا صديقي نستشف ونستنتج ان الفتره دي ما كانتش تصلح لاعلان الله خالص لان حتى ولو ربنا مع الشعب دلوقتي فالشعب سايبه نهائي ولحد هنا صديقي تبقى خلصت حلقتنا مستني اسئلتكم على جميع منصات التواصل الاجتماعي تبعتها لي في مسدج تكتبها لي في كومنت انا شايف كل حاجه حبيبي الغالي ولحد هنا احبائي تبقى خلصت حلقتنا واستنونا في حلقات جايه ثانيه كتير .